سنسیز گئجه لر

سنسیز گئجه لر یعنی بیماری و بیداری_گریه های پنهانی_بر نوشین لبی یاری_شبهاست که کم داری

سلام

بوگون ایستیرم شعر لریمین بیریسینی کی دونیانین ان مقدس کلمه سینه راجیع یعنی

آنا آدلی خلقته دئمیشم آنالارین شرفینه وبلاگیمدا گتیرم...

اولولاریمیزین دئدیگینه گوره جنت اونلارین آیاقلارینین آلتیندادی پس یاددان چیخارتمییاق

کی آنالارین آیاقلارینا دوشمک و اونلاری زیارت ائتمک جنتین قاپیسیدیر...!

آنالاریمیزین بویوک حاق بیزیم بوینوموزدا وارلاریدی کی گرگ چالیشاق اونلارین بیر قیسمینی

قایتاراق...

بو شعری گوزل و مهریبان آناما تقدیم ائلیرم...

داود عزیزی

دونیادا مقدس کلمه تک آنا    ساچینین تئلینه قوربانام آنا...

بیرملک دیر کی بیز     دییریک آنا

قوللوغوندایام من,سولطاندیر بانا

ائولاده کیمدیر کی   آنا تک یانا؟!

              ایستی باخیشلارا قوربانام آنا

بیر  اومور   چکر او   بالا نازینه

باغیشلار اومرونه گوزل یازینه

بالانین یولوندا  کوکلر سازینه

                 او گوزل لایلایان قوربانام آنا

ساچینه  آغاردار    ائولاد  یولوندا

کیشیلر  معراجا     چاتار دونوندا

سجده سی واجیب دی والله اونوندا

            نامازدا سجده یه ن قوربانام آنا

گئجه لر صبحه تک آییخ قالیبدی

ائولادین یولوندا موم تک یانیبدی

بئلنجی قدرتی    حقدن آلیبدی

               حق دیین دیللره قوربانام آنا

بالایا جان دییر    جان اوسته اولسا

جانی قوربان ائیلر بالاسی سولسا

دییر  بو  بالام دا     بیر یاشا دولسا

              من دیله ک آرزویان قوربانام آنا

آناجان حاقینی   حلال ائت منه

حیاتیم, وارلیغیم قورباندیر سنه

اللرون زیارتی   حجر دیر   منه

              منده اوز قبله مه قوربانام آنا...

داود عزیزی

 

نوشته شده در دوشنبه پنجم مهر 1389ساعت 9:25 توسط داود عزیزی| |



قالب جدید وبلاگ پیچك دات نت